मुंबई (अजय निक्ते) : बॉलिवूडचा सुपरस्टार सलमान खानचा आज वाढदिवस आहे. सलमान बॉलिवूड मध्ये भाईजान या नावाने ओळखला जातो. तो आज स्वतःचा ५८ वा वाढदिवस साजरा करत असून चाहत्यांनाही त्याच्या वाढदिवसाची क्रेझ आहे. जवळचे संबंधित त्याला प्रेमाने सल्लू भाई पण बोलतात. आज करोडोंची मालकी असणाऱ्या या अभिनेत्याची पहिली कमाई केवळ ७५ रुपये होती. त्याच्या बाबत प्रत्येक गोष्टी जाणून घेण्यात त्याचे फॅन्स नेहमीच उत्सुक असतात.
सल्लू भाई चा जन्म २७ डिसेंबर १९६५ रोजी लेखक सलीम खान यांच्या कुटुंबात झाला. सलमान खानने २२ ऑगस्ट , १९८८ मध्ये ‘बीवी हो तो ऐसी’ या चित्रपटाद्वारे अभिनयाच्या जगात प्रवेश केला. यामध्ये त्याने दिग्गज अभिनेते फारुख शेख आणि लाखो दिलोंकी धडकन , उमराव जान रेखा यांच्या बरोबर सहाय्यक अभिनेत्याची भूमिका साकारली होती. आज बॉलिवूडमध्ये लोकप्रिय असणाऱ्या भाईजानने एकदा मुलाखतीत असे सांगितले होते की, त्याची पहिली कमाई फक्त ७५ रुपये होती, जी त्याला ताज हॉटेलमध्ये डान्स करण्यासाठी मिळाली होती. ताज हॉटेलमध्ये होणाऱ्या शोमध्ये त्याचा मित्र डान्स करत होता, त्यामुळे तो त्याला सोबत घेऊन गेला होता. सलमानने बॅकग्राउंड डान्सर म्हणून काम केले होते, त्याला यासाठी ७५ रुपये मिळाले.
भाईजानने त्याच्या शरीरयष्टीसाठी बॉलीवूड मध्ये स्वतंत्र स्थान कमावून आहे. त्याने अनेक बॉलिवूड स्टार्सनाही फिट राहण्यासाठी प्रेरित केले आहे. त्याचवेळी शर्टलेस होऊन चित्रपटांमध्ये नवीन ट्रेंडही सलमान खानकडूनच सेट झाला आहे. हे ट्रेंड आजही त्याचे अनेक चाहते कॅरी करतात.
सलमान खानला पेंटिंगचा छंद आहे. अनेक दिग्गजांनी त्याची पेंटींग्ज विकत घेतली असून , अभिनेता आमिर खान हा सलमान च्या पेंटींग्ज चा चाहता आहे . सलमानने काही चित्रपटात गाणी देखील गायली असून ‘बागी’, ‘चंद्रमुखी’ आणि ‘वीर’ या चित्रपटांचे लेखन देखील केले आहे.