डोंबिवली : विना मास्क कारवाई दरम्यान तीन जणांनी पोलिसांशी हुज्जत घालत पोलिसांच्या अंगावर कुत्रे सोडल्याची घटना डोंबिवलीत घडलीय .कुत्र्याच्या हल्ल्यात पोलीस कर्मचारी जखमी झाला असून या प्रकरणी पोलिसांनी आनंद गुप्ता ,सत्यनारायण गुप्ता , आदित्य गुप्ता विरोधात गुन्हा दाखल करत दोघांना अटक केलीय केली .
कोरोनाचा प्रादुर्भाव वाढत असताना नागरिक आजही विना मास्क फिरताना आढळून येतात .अशा बेजबाबदार नागरिकाविरोधात महापालिका व पोलीस प्रशासनाने कारवाई सुरू केलीय .मात्र बेजबाबदार नागरिक अनेकदा कारवाई दरम्यान पोलीस आणि पालिकेच्या पथकाशी हुज्जत घालतात .डोंबिवली मध्ये काल एक असाच विचित्र प्रकार घडलाय .डोंबिवली खंबाळ पाडा रोड वर महापालिका व पोलिसांकडून मास्क न वापरणार्या नागरिकांविरोधात कारवाई सुरू होती .याच दरम्यान एका गॅरेजच्या बाहेर तिघे विना मास्क आढळले या तिघांवर कारवाई करताना तिघांनी पोलिसांशी हुज्जत घातली इतकंच नव्हे तर पाळलेला कुत्रा पोलिसांच्या अंगावर सोडला .कुत्र्याने केलेल्या हल्ल्यात पोलीस कर्मचारी तायडे यांच्या पायाला दुखापत झाली .