राजसाहेबांचं सरकार आल्यावर सर्व हिशोब व्याजासह चुकता करू : संदीप देशपांडे यांचा इशारा

कल्याण/ प्रतिनिधी :  सविनय कायदेभंग आंदोलन प्रकरणी मनसे चे सरचिटणीस  संदीप देशपांडे यांच्यावर कल्याण रेल्वे पोलिसांनी 107 अंतर्गत कारवाई करण्यात आली. या प्रकरणी मंगळवारी कल्याण रेल्वे एसीपी कार्यालयात सुनावणी होती. या सुनावणी साठी संदीप देशपांडे कल्याण रेल्वे एसीपी कार्यालयात हजर झाले होते .यावेळी बोलताना संदीप देशपांडे  म्हणाले की, आम्ही जे आंदोलन केले ते लोकहितासाठी केलं ,कायद्याची प्रोसिजर ते आता पार पाडत आहेत,मात्र त्यानी हे लक्षात ठेवावं, ज्यावेळेला राज साहेबांचं सरकार येईल, तेव्हा हा सर्व हिशोब चुकता होईल आता जो जों त्रास देतोय ते लक्षात ठेवतोय असा इशारा दिला.