कल्याण/ प्रतिनिधी… गुरांची चोरी करून कत्तल करणाऱ्या दोघांना कल्याण खडकपाडा पोलिसांनी गजाआड केले आहे. अफझल खान, कैज डोन अशी दोघांची नावे असून त्यांना भिवंडी आणि आंबिवली येथुन अटक केली अशी माहिती कल्याण परिमंडळ 3 चे पोलीस उपायुक्त विवेक पानसरे यांनी दिली.
कल्याण मध्ये गाई,म्हशी चोरी होण्याचे प्रमाण वाढले होते .कल्याण जवळ असलेल्या मोहने येथून रात्रीच्या अंधारात एका गोठ्याबाहेर बांधलेली जर्सी गाय तसेच घराबाहेर चरणारी आणखी एक गाय पकडून अज्ञात व्यक्तीने या दोन्ही गायीची बंद असलेल्या एनआरसी कंपनी बाहेरील निर्जन रस्त्याशेजारी कत्तल केल्याची घटना घडली होती .याबाबतच्या तक्रार खडकपाडा पोलीस ठाण्यात करण्यात आली होती.या तक्रारी नुसार पोलिसांनी या चोरट्याचा तपास सुरु केला.बातमीदारा मार्फत मिळालेल्या माहितीनुसार या प्रकरणी पोलिसांनी अफझल खान याला भिवंडी येथून तर कैज डोन याला आंबिवली कल्याण येथुन अटक केली .या दोघांनी आसपासच्या परीसरात अशा प्रकारचे गुन्हे केल्याचा संशय व्यक्त करत पोलिसांनी पुढील तपास सुरू केला आहे .
—–