मुंबई : बीकेसी मैदानावर महाविकास आघाडीच्या उमेदवारांची प्रचारसभा बीकेसी मैदानावर पार पडली या सभेत राष्ट्रवादीचे अध्यक्ष शरद पवार यांनी पंतप्रधान नरेंद्र मोदीवर जोरदार टीका केली. पंतप्रधान नरेंद्र मोदी यांनी केलेल्या भटकती आत्मा या टीकेला प्रतिउत्तर दिले. हा आत्मा तुम्हाला सत्तेवरून खाली खेचल्याशिवाय स्वस्थ बसणार नाही त्यासाठी जे करावं लागेल ते करण्याची तयारी आहे आ इशारा पवारांनी दिला. यावेळी काँग्रेसचे अध्यक्ष मल्लिकार्जून खर्गे उध्दव ठाकरे दिल्लीचे मुख्यमंत्री अरविंद केजरीवाल आदी नेते उपस्थित होते
शरद पवार म्हणाले, ज्या बाळासाहेब ठाकरेंनी संकटाच्या काळात तुम्हाला वाचवलं तुम्ही त्यांनाच विसरलात तुम्ही कितीही टीका करा पण मराठी माणूस उध्दव ठाकरेंच्या बाजूने उभा आहे बाळासाहेब ठाकरेंनी दिलेला विचार उध्दव ठाकरे पुढे घेऊन जात आहेत त्यामागे राज्यातील सामान्य माणूस उभा आहे.
पवार म्हणाले आज देशाचे संविधान वाचविण्याची गरज आहे जे सोबत येत नाहीत त्यांना तुरूंगात टाकले जात आहे केजरीवाल यांनी दिल्लीत चांगले काम केले शाळा आरोग्य सुविधा दिल्या आणि दिल्लीचा चेहरा बदलला पण मोदींनी त्यांना तुरूंगात टाकले अनेक राज्याच्या नेत्यांनाही तुरूंगात टाकले मी म्हणजे लोकशाही आणि मी म्हणेल तीच पूर्व दिशा असे सुरू आहे हे असंच सुरू राहिल्यास तुमचे आणि माझे अधिकार उध्दवस्त केल्याशिवाय मोदी स्वस्थ बसणार नाहीत अशी टीका पवारांनी केली,