कल्याण दि २५ ऑगस्ट : कल्याण पश्चिमेच्या अर्चिस इमारतीच्या दुसऱ्या मजल्यावरील घराच्या आतील स्लॅबचे प्लास्टर पीओपीसह कोसळल्याची घटना घडली आहे या दुर्घटनेत वडील आणि मुलगा दोघेही किरकोळ जखमी झाले आहेत. सुदैवाने मोठा अनर्थ टळला आहे.
कल्याण पश्चिमेच्या स्टेशनलगत ओक बाग येथील आर्चीस इमारतीच्या दुसऱ्या मजल्यावर जावडेकर कुटूंबीय राहतात. दुपारी साडेबाराच्या सुमारास अचानक त्यांच्या घराच्या स्लॅबचे प्लास्टर पीओपीसह खाली कोसळल्याने जोरदार आवाज झाला यावेळी घरात मकरंद जावडेकर आणि अभिजित जावडेकर हे पिता पुत्र होते यांच्या अंगावर प्लास्टर पडल्याने त्यांना किरकोळ दुखापत झाली आहे.तसेच घरातील सामानाचे मोठ्या प्रमाणात नुकसान झाले आहे.
—-