ठाणे (अविनाश उबाळे) : काँग्रेसचे ठाणे जिल्हाध्यक्ष दयानंद चोरघे यांनी शहापूरातील आपल्या स्थानिक काँग्रेस पदाधिकारी व कार्यकर्ते यांच्या समवेत शुक्रवारी दिवसभर शहापूर तालुक्याचा दौरा केला.
या दौऱ्यात काँग्रेस जिल्हा अध्यक्ष दयानंद चौरघे यांनी शहापूरचे माजी आमदार पांडुरंग बरोरा, एकनाथ शिंदे गटाचे जिल्हाध्यक्ष मारुती धीर्डे,उद्धव बाळासाहेब ठाकरे पक्षाचे तालुकाध्यक्ष कुलदीप(बाळा)धानके ,राष्ट्रवादीचे तालुकाध्यक्ष मनोज विशे ,राष्ट्रवादीचे संजय निमसे,शिंदे गटाचे तालुकाध्यक्ष प्रकाश वेखंडे,डोळखांब विभागातील अरुण अधिकारी, वासिंद दहागाव येथील जयराम पवार,जगन्नाथ निमसे,आदी मान्यवरांच्या सदिच्छा भेटी घेतल्या यावेळी त्यांच्या समवेत प्रदेश काँग्रेसचे इम्रान भाई शेख,मोठ्या संख्येने शहापूर तालुक्यातील काँग्रेसचे तालुका पदाधिकारी काँग्रेसचे जिल्हा अध्यक्ष दयानंद चोरघे यांच्या सोबत या भेटी दरम्यान उपस्थित होते.