कल्याण/ प्रतिनिधी : महाराष्ट्र साहित्य परिषद पुणे. शाखा उल्हासनगर द्वारा आयोजित ऑनलाईन “स्वरचित कविता सादरीकरण २०२०”* या स्पर्धेत प्रतिभावंत शिक्षक कवी सुनील म्हसकर सर यांच्या “श्रावणधारा” या कवितेने राज्यातून प्रथम क्रमांक पटकावला.
ठाणे जिल्ह्यातील एक नामवंत व प्रतिभावंत शिक्षक कवी म्हणून सुनील म्हसकर सर यांची ओळख आहे. ठाण्यातील श्रीरंग विद्यालय येथे सहाय्यक शिक्षक म्हणून नोकरी करीत आहेत. यापूर्वी त्यांना भारत सरकारने ठाणे जिल्हा आदर्श युवा पुरस्काराने सन्मानित केलेले आहे.
शहापूर तालुक्यातील किल्ले माहुलीच्या कुशीत वसलेले मौजे पाली या छोट्याशा गावचे लाडके सुपुत्र आहेत. त्यांच्या यशाबद्दल पाली ग्रामस्थांकडून आणि ठाणे जिल्ह्यातून त्यांंच्यावर अभिनंदनाचा वर्षाव होत आहे.
*****