डोंबिवली, २० ऑक्टोबर: कल्याण ग्रामीण मतदारसंघातून निवडणूक लढवण्यासाठी इच्छुक असलेल्या उमेदवारांची संख्या वाढत चालली आहे. या मतदारसंघातून सध्या मनसेचे विद्यमान आमदार राजू पाटील आहेत, आणि त्यांना पक्षाकडून पुन्हा उमेदवारी मिळण्याची जवळपास निश्चिती झाली आहे. परंतु विरोधी पक्ष म्हणून शिवसेना (उद्धव बाळासाहेब ठाकरे) पक्षाकडूनही तयारी सुरू झाली आहे.
शिवसेना ठाकरे गटाचे माजी आमदार सुभाष भोईर हे या निवडणुकीसाठी प्रमुख दावेदार मानले जात आहेत. त्यांनी आपली तयारी देखील सुरू केली आहे. मात्र, या पक्षातील दिवा शहर संघटक रोहिदास मुंडे यांनीही निवडणूक लढण्याची इच्छा व्यक्त केली आहे.
मुंडे यांनी सांगितले की, “मी देखील कल्याण ग्रामीण मतदारसंघातून निवडणूक लढवण्यास इच्छुक आहे. माजी आमदार असले तरी पक्षामध्ये माझे देखील नाव विचारात घेतले जावे,” असे त्यांनी ठामपणे पक्षाकडे मागणी केली आहे.
यामुळे ठाकरे पक्षाकडून या मतदारसंघात उमेदवारीसाठी दावेदारांची स्पर्धा वाढू लागली आहे.