वसिंद रेल्वे स्थानकात प्रवाश्यांचा रेल रोको
वसिंद : लोकल वाहतूक उशिरानं सुरु असल्याने संतप्त प्रवाशांनी वाशिंद रेल्वे स्थानकात संतप्त प्रवाशांनी रेल रोको केला.
पहाटे 5 वाजताची लोकल सकाळी सहा वाजता आली. मात्र त्यानंतर ही एक्सप्रेस साठी मार्ग खुला केल्याने प्रवासी संतापले . सकाळी आठ वाजेपर्यंत दाट धुकं पसरलं होत. त्याचा मध्य रेल्वे वाहतुकीवर परिणाम झाला. दाट धुक्यामुळे लोकल सेवा उशिराने धावत होत्या. लोकल थांबवून एक्स्प्रेस सोडल्याने प्रवासी संतापले होतेे. प्रवाश्यानी रेल्वे रुळावर उतरून संताप व्यक्त केला. सकाळी साडेआठ वाजता लोकल सोडण्यात आली. मात्र सकाळी 9 वाजेपर्यंत धुकं होत. वसिंद येथील आंदोलन आणि धुकं यामुळे मुंबईकडे जाणाऱ्या लोकल 10 ते 15 मिनिटे उशिराने धावत होत्या त्यामुळे ऐन सकाळी कामावर जाण्याच्यावेळी चाकरमान्यांना त्रास सहन करावा लागला.