अहमदाबाद : पंतप्रधान नरेंद्र मोदी यांची आई हिराबेन यांचं वयाच्या १०० व्या वर्षी निधन झालं आहे. बुधवारी (28 डिसेंबरला) त्यांची तब्येत खालावली होती आणि त्यांना अहमदाबादमधील सुपर स्पेशालिटी रूग्णालयात दाखल करण्यात आले होते.
पंतप्रधान मोदी यांनी ट्विट करून त्यांच्या आईला श्रद्धांजली वाहिली आहे. ते म्हणतात, “शंभर वर्षाचं आयुष्य आता ईश्वराच्या चरणी लीन झालं आहे. तिचा प्रवास एका तपस्वीसारखा होता. ती निष्काम कर्मयोगाचं प्रतिक होती आणि तत्त्वाशी एकनिष्ठ होती.
हीराबेन यांची तीन दिवसांपूर्वी प्रकृती खालावली होती त्यामुळे त्यांना तात्काळ अहमदाबादच्या यूएन मेहता रूग्णालयात उपचारासाठी दाखल करण्यात आले होते. वृध्दापकाळ आणि आजारपण यामुळे त्यांची प्रकृती अधिकच खालावली होती अखेर उपचाराला साथ न दिल्याने अखेर त्यांची प्राणज्योत मालवली. १८ जून रोजी हीराबेन यांनी १०० व्या वर्षात पर्दापण केले होते. त्यानिमित्ताने त्यांचा वाढदिवस मोठया उत्साहात साजरा करण्यात आला होता आईच्या वाढदिवसासाठी स्वत: नरेंद्र मोदी गुजरातच्या गांधीनगरला आले होते त्यांनी आईचे पाय धुवून आशीर्वादही घेतले होते.