मुंबई : पंतप्रधान नरेंद्र मोदी यांचा मुंबईत रोड शो होणार आहे. साडे सहा वाजता मोदी यांचे विक्रोळी येथे आगमन होईल. रोड शो हा ६.४५ मिनिटांनी सुरू होऊन तो ७.४५ ला संपेल. घाटकोपर पश्चिम येथे एलबीएस मार्गावरील दामोदर पार्क जवळील अशोक सिल्क मिल येथून हा रोड शो सुरू होऊन तो एम जी रोड वरून श्रेयस टॉकीज, सर्वोदय सिग्नल, संघवी स्केवर करत तो घाटकोपर पूर्व मध्ये रामजी असर शाळेजवळील पार्श्वनाथ मंदिर चौक येथे समाप्त होईल.
लोकसभा निवडणूक २०२४ च्या प्रचारासाठी पंतप्रधान नरेंद्र मोदी आज महाराष्ट्रात येत आहेत. नाशिक आणि कल्याण येथे जनसभेला संबोधित करणार आहेत. त्यानंतर पंतप्रधान नरेंद्र मोदी यांचा मुंबईत रोड शो होणार आहे. राज्यात पाचव्या आणि शेवटच्या टप्प्याचा प्रचार जोरात सुरु आहे. येत्या २० मे रोजी मुंबईसह ठाणे आणि महाराष्ट्रातील अन्य मतदारसंघात मतदान होणार आहे.