ठाणे जिल्ह्यातील तरुणांसाठी ऑनलाईन रोजगार मेळावा

ठाणे दि. 27 :- जिल्हा कौशल्य विकास, रोजगार व उद्योजकता मार्गदर्शन केंद्र, ठाणे व जिल्हा व्यवसाय शिक्षण व प्रशिक्षण कार्यालय ठाणे यांच्या सुयुक्त विद्यमाने जिल्ह्यातील उमेदवारांसाठी दिनांक 27 ऑगस्ट 2021 ते 30 ऑगस्ट 2021 या कालावधीत http://rojgar.mahaswayam.gov.in या वेब पोर्टलवर ऑनलाईन रोजगार मेळाव्याचे आयोजन करण्यात आले आहे. तरी सदर वेब पोर्टलवर नोंदणी केलेल्या उमेदवारांनी त्यांचा नोंदणी / आधार क्रमांक व पासवर्ड वापरुन वेब पोर्टलवरील Employment-Job Seeker मध्ये लॉगिन करुन Pandit Dindayal Upadhyay Job Fair वर क्लीक करावे व रोजगार मेळाव्याच्या यादीतील जिल्हा निवडून रोजगार मेळाव्याची व रिक्तपदाची माहिती पाहून ऑप्शनवर क्लिक करावे व या रोजगार मेळाव्याचा लाभ घ्यावा, असे आवाहन कविता ह. जावळे, सहायक आयुक्त जिल्हा कौशल्य विकास, रोजगार व उद्योजकता मार्गदर्शन केंद्र, ठाणे यांचे मार्फत करण्यात येत आहे. अधिक माहितीसाठी कार्यालयाच्या 022-25428300 या दूरध्वनीवर संपर्क साधावा.