आदिवासी बांधवाना कपडे आणि जीवनावश्यक वस्तूचे वाटप, नवयुग मित्र मंडळाचा स्तूतुत्य उपक्रम
डोंबिवली : सामाजिक कामात नेहमीच पुढाकार असणाऱ्या डोंबिवलीतील नवयुग मित्र मंडळाने दरवर्षीप्रमाणे यंदाही जव्हार येथील खडखड या अदिवासी पाड्यात कपडे , तसेच तांदूळ, साखर, गोडतेल, साबण, चहापत्ती इत्यादी जीवनावश्यक वस्तूह आदिवासी बांधवाना दिल्या. मंडळाचे सदस्य यासाठी महिनाभर डोंबिवलीतील नागरिकांकडून मदत जमा करत होते. हे मंडळ गेली तीन वर्ष हा उपक्रम राबवित आहेत.अध्यक्ष डॉ. सुभाष जावडेकर यासह उपाध्यक्ष योगेश वागळे, सचिव चिराग ठक्कर, खजिनदार स्वप्नील कुलकर्णी, सल्लागार रविंद्र शिंदे, यांसह महिला सभासद अपूर्वा शिंदे, अनुजा जावडेकर, ज्योती शिंदे यांनी मेहनत घेतली. हल गुडीपाडवा आणि दिवाळी या सणाला आदिवासी पाड्यात जाऊन मंडळाकडून मदत केली जाते. तसेच आरोग्य शिबीराचे आयोजन केले जाते. गणेशोत्सव साजरा करताना मंडळाने आजवर अनेक सामाजिक उपक्रम राबवले जातात.