कल्याण : भिवंडी येथील सावद गाव या परिसरात राहणा-या लक्ष्मी मोहिते या २५ महिलेची हत्या करण्यात आली असून तिचा मृतदेह कल्याणच्या गांधारी रस्त्यावर आढळून आला. या परिसरात ती घरकाम करीत होती. मात्र तिच्या हत्येनंतर तिचा पती जर्नादन मोहिते हा फरार झाल्याने पोलिसांचा त्याच्यावर संशय बळावला असून पोलीस त्याचा शोध घेत आहेत.
कल्याण पश्चीमेतील हाय प्रोफाईल गांधारी परिसरात रिंग रोडचे काम सुरु आहे. आज सकाळच्या सुमारास या रस्त्यावर एका महिलेचा मृतदेह आढळून आला. याची माहिती मिळताच कल्याणचे खडकपाडा पोलिस घटनास्थळी दाखल झाले. मृत महिलेचे नाव लक्ष्मी मोहिते आहे. ती त्याच परिसरात घर काम करीत होती. लक्ष्मी ही भिवंडीतील सावद गाव परिसरात राहत होती. लक्ष्मीची हत्या तिच्या पतीने केली असल्याचा संशय पोलिसांना आहे. सध्या तो फरार आहे. लक्ष्मीची हत्या दगडाने ठेचून करण्यात आली आहे. या महिलेच्या हत्येने परिसरात एकच खळबळ उडाली आहे.