बदलापूर । बदलापूर येथे काव्यकारांच्या पावसाळी शब्द सरी बरसणार आहेत. सेवा संस्था, बदलापूर आयोजित पावसाळी काव्य संमेलन, बदलापूर येथे रविवारी २७ ऑगस्ट २०२३ रोजी होणार आहे. या कवी संमेलनात पाऊस या विषयावरील कवितांचे सादरीकरण ठिकठिकाणांहून आलेल्या निवडक काव्यकारांकडून होणार आहे. कार्यक्रमासाठी प्रमुख पाहुणे म्हणून डाॅ. विराज जाधव (एम.डी) यांची उपस्थिती लाभणार आहे. तर संमेलनाध्यक्षपदी म्हणून पत्रकार, स्तंभलेखक, आपलं महानगर दैनिकाचे मुख्य उपसंपादक संजय सोनवणे यांची उपस्थिती आहे.
कुळगाव बदलापूर नगरपरिषद सभागृह, घोरपडे चौक, बदलापूर पूर्व या ठिकाणी हे काव्य संमेलन सायंकाळी होणार आहे. या काव्यसंमेलनाचे प्रमुख संयोजक अनिल भालेराव आहेत तर संमेलन यशस्वी करण्यासाठी सुनील दुपटे, शामराव सोमकुवर यांचे सहकार्य लाभत आहे. कार्यक्रमाचे सूत्रसंचालन प्रीती माने या करणार असून आभार प्रदर्शनाची जबाबदारी प्रशांत कडलाक यांच्याकडे आहे.अधिक माहिती साठी 9860133950 या क्रमांकावर संपर्क करावा.