मुंबई : कल्याण शीळ रस्त्यावरील कोनगाव ते रांजनोली जंक्शन या लांबीमधील डि जे वाईन्स दुकानासमोर एक मोठा खड्डा असल्याने अपघात झाल्याची व्हिडीओ क्लीप सोशल मिडीयावर व्हायरल होत आहे मात्र या ठिकाणी अशा प्रकारचा कोणताही खड्ड नसून खोडसाळपणाच्या वृत्तीने ही क्लीप व्हायरल केल्याची माहिती महाराष्ट्र राज्य रस्ते विभागाकडून देण्यात आली आहे.
गेल्याच वर्षी महाराष्ट्र राज्य रस्ते विकास महामंडळामार्फत याठिकाणी काँक्रीटीकरणाचे काम पूर्ण करण्यात आले आहे. त्यामुळे याठिकाणी कोणताही खड्ड नाही. सदर क्लीप व्हायरल करून जनमाणसात निष्कारण शासनाची प्रतिमा मलीन करण्याचा प्रयत्न होत आहे. भिवंडी बायपास जवळील डि जे वाईन्स शॉपसमोर अशा प्रकारचा अपघात झाल्याची कोणतीही बाब निदर्शनास आलेली नाही या लांबीत वाहतूक सुस्थितीत सुरू असून अशी माहिती एमएसआरडीसीने दिलीय.
