पालिका आयुक्तांचा पहिलाच दिवस.. कल्याणकरांचा मूक मोर्चा आणि ढोल-ताशा आंदोलन 

कल्याण  :  महापालिकेचे सर्व कर भरून सुद्धा जनतेला पालिकेकडून कोणत्याच सोयी सुविधा मिळत नाहीत. त्यामुळे सेवा सुविधा नाही, तर कर नाही असा पवित्रा अनेक  दिवसांपासून कल्याणकरांनी घेतलाय.  तरीसुद्धा पालिकेला जाग येत नसल्याने कल्याणकरांनी ढोल -ताशा वाजवून अनोखे आंदोलन केलं. कल्याणातील जागरूक नागरिक श्रीनिवास घाणेकर यांच्या पुढाकाराने  हे आंदोलन सुरू आहे. एकीकडे पालिकेत भ्रष्ट  आणि ढिसाळ कारभार सुरू आहे. तर दुसरीकडे पालिकेकडून नागरिकांना कोणत्याच सोयी सुविधा मिळत नाही. त्यामुळेच गेल्या अनेक दिवसांपासून  सेवा सुविधा नाही तर कर नाही हे असहकार आंदोलन सुरू आहे त्याच आंदोलनातील ढोल ताशा आंदोलनाचा दुसरा टप्पा आहे. मात्र आगामी काळात परिस्थिती न बदलल्यास  सर्व प्रभाग समिती कार्यालयासमोर हे आंदोलन केले जाईल अशी माहिती आंदोलांकर्त्यांनी यावेळी दिली.