कल्याण : गेल्या सहा वर्षापासून फरार असलेला मोक्कातील आरोपीला अटक करण्यात कल्याण गुन्हे शाखा घटक ३ यांना यश आलं आहे
आंबिवली येथे राहणारा आरेापी सलमान उर्फ जॅकी पपली इराणी उर्फ हुसेन वय- ३१ हा मोक्कातील आरोपी हा मध्यप्रदेश येथे फरार झाला होता. त्याच्यावर विविध पोलीस ठाण्यात ११ गंभीर स्वरूपाचे गुन्हे दाखल आहेत. एमएफसी पोलीस ठाण्यात ४ गुन्हे, आर के मार्ग पोलीस ठाण्यात ५ गुन्हे, मानपाडा पोलीस आणि ताडदेव पोलीस ठाण्यात प्रत्येकी १ गुन्हा दाखल आहेत.
कल्याण गुन्हे शाखा या गुन्ह्यांचा समांतर तपास करीत असतानाच सलमान हा खडवली परिसरात येणार असल्याची माहिती पोलीस हवालदार कामत यांना मिळाली होती सदर माहितीच्या आधारे पोलिसांनी त्या ठिकाणी सापळा लावून त्याला अटक केली ही कामगिरी वरिष्ठ पोलीस निरीक्षक विलास पाटील यांचे मार्गदर्शनाखाली पोलिस उपनिरीक्षक मोहन कळमकर, पो. हवा/कामत, मंगेश शिर्के, सचिन साळवी , सुरेश निकुळे, राहुल ईशी यांनी केलीय.