कलगी तुरा समाज उन्नती मंडळ मुंबई, आयोजित, भव्य दिव्य गौरी गणेश नृत्य स्पर्धा संपन्न
महाड : कोकणातील अनेक लोककला आज लोप पावत असतानाच कोकणातील कलगी तुरा ( जाखडीनृत्य ) लोककला बदलत्या काळानुसार लोकप्रियता कायम आहे. ही लोककला अबाधित ठेवण्यासाठी कलेच्या प्रवाहातील गौरवशाली परंपरा असणारी महाराष्ट्रातील अग्रगण्य संस्था कलगी तुरा समाज उन्नती मंडळ (मुबंई) ही संस्था कार्यरत आहे. त्याच पार्श्वभूीवर जाखडी नृत्य (कलगी -तुरा) लोककलेचं संवर्धन होण्याबरोबरच कलाकारांना प्रोत्साहन मिळावे यासाठी संस्थेच्या वतीने प्रतिवर्षी विविध उपक्रम राबविण्यात येतात. त्यानुसार विविध कार्यक्रमाचे आयोजन करण्यात आले होते.
रायगड जिल्ह्यात महाड बेबलघर येथे गौरी गणेश (जाखडी नृत्य ) स्पर्धा- २०२२-२३ व दिनदर्शिका-२०२३ चे प्रकाशन आणि युवा-जेष्ठ शाहीर गुणगौरव सोहळा- २०२२ या भरगच्च कार्यक्रमाचे आयेाजन करण्यात आले होते. कार्यक्रमाचे उद्घाटन प्रमोद गांधी- (उद्योजक) रघुनाथ भागवत- (पत्रकार) अभयदादा सहस्रबुद्धे समन्वय समिती अध्यक्ष, चंद्रकांत गोताड उपाध्यक्ष, सुधाकर मास्कर सचिव, कैलासदादा धाडवे समाजसेवक,जतीन मोरे,अमित चिबडे, जयवंत चिबडे, भारदेगुरूजी,वैभव पवार,पडवल गुरूजी,अनंत तांबे, संदेश पवार अशा प्रमुख मान्यवरांच्या उपस्थितीत. जेष्ठ शाहीर यांच्या शुभहस्ते स्पर्धा रिंगणाचे श्रीफळ वाढवून कार्यक्रमाचे उदघाटन करण्यात आले.
भैरवनाथ नृत्य कला पथक तुळशी चा प्रथम क्रमांक
प्रथम क्रमांकाचे बक्षीस रोख रुपये ११,१११ /- सन्मान पत्र, सन्मानचिन्ह, ढोलकी विजेते भैरवनाथ नृत्य कला पथक तुळशी ता.मंडणगड यांनी पटाकवले. द्वितीय क्रमांकाचे. बक्षीस रोख रुपये ५,५५५ /- सन्मानपत्र, सन्मानचिन्ह, ढोलकी विजेते- कुलस्वामिनी नृत्य कला पथक मु.सव,महाड यांनी पटाकवले तर तृतीय क्र. बक्षीस रोख रुपये ३,३३३ /- ढोलकी सन्मानपत्र, सन्मानचिन्ह यांनी तर विजेते- श्री.कालभैरव जोगेश्वरी कला पथक वडघर ता.माणगाव, तसेच उत्कृष्ट ढोलकीपट्टू विजेते पारितोषिक – सौरभ संतोष पोस्टुरे – सन्मानपत्र, ढोलकी, उत्कृष्ट गायक -शाहीर रोहित श्रीधर घाग – सन्मानपत्र, तर सहभागी कलापथक संघाना सन्मानचिन्ह , प्रशस्तीपत्र आणि ढोलकी मान्यवरांच्या शुभहस्ते देऊन सन्मानित करण्यात आले.
ज्येष्ठ, युवा शाहिरांचा सन्मान ..
तसेच वरीष्ठ/ युवा कलाकार शाहिरांना शाल सन्मानचिन्ह, सन्मानपत्र, देऊन गौरविण्यात आले. यामध्ये महादेव भाने, विश्वास बटावले, शांताराम भेकत, मारुती मौले, अनंत मांडवकर , अनंत केंद्रे, सुभाष रामा तांबे, सखाराम माळी, नथुराम शिंदे, दिपक कदम, गंगाधर जाधव, महादेव गोठल, गुरुदास चिबडे, श्रीराम पातेरे, दामोदर नामोले, उदय काटकर , उदय चिबडे, श्रीरंग रहाटवल, संतोष यादव,अशा उल्लेखनीय कार्यरत असणाऱ्या शाहिरांचा सत्कार करण्यात आला.
यावेळी स्पर्धेचे पंच म्हणून सरपंच -अनंत तांबे -अध्यक्ष, संतोष धारशे- सरचिटणीस , कविता विभाग पंच-भारदे गुरुजी, मधुकर यादव, निलेश जोगळे रंगबाजी पंच- सुरेश ऐनारकर, दिलीप नामे, प्रकाश पांजणे, रंगबाजी पंच-अशोक पाटील,झराजी वीर, कृष्णा जोगळे नृत्य विभाग पंच- चंद्रकांत गोताड, आप्पा फडकले, अनंत येलमकर निवेदक- संतोष धारशे ,सुधाकर मास्कर यांनी चोख कामगिरी बजावली.
या कार्यक्रमाचे सूत्रसंचालन सरचिटणीस- संतोष धारशे, मिलिंद चिबडे यांनी केले. तर कार्यक्रम यशस्वी करण्यासाठी मंडळाचे अध्यक्ष- अनंत तांबे सरचिटणीस- संतोष धारशे, खजिनदार -सत्यवान यादव, चिटणीस- सुधाकर मास्कर, उपाध्यक्ष- सुरेश चिबडे, उपाध्यक्ष- सुरेश ऐनारकर, वादविवाद समिती उपाध्यक्ष- चंद्रकांत धोपट, उदय चिबडे,निलेश जोगळे , दिपक महादे ,अनंत मुंगले, निलेश मोगरे,श्रणव यादव , जगदीश ठोंबरे, नामदेव गोरीवले, अनिल चिबडे, मंगेश पौलेकर, अविनाश म्हसकर,रघुनाथ चिबडे,अनिल गोठल, शैलेश धोंडगे, गणेश चिबडे, मिलिंद चिबडे (बेबलघर पोलीस पाटील ) सर्व विकास मंडळ बेबलघर, मुंबई मंडळ, तरुण मंडळ व महिला मंडळ, तसेच कलगी तुरा समाज उन्नती मंडळ (मुंबई ) सर्व पदाधिकारी यांनी मेहनत घेतली.