आयपीएलच्या 16 व्या हंगामाचे वेळापत्रक जाहीर

31 मार्च ते 28 मे दरम्यान रंगणार थरार * 10 संघामध्ये 70 सामने * 28 मे रोजी फायनल

नवी दिल्ली, १८ फेब्रुवारी : भारतीय क्रिकेट नियामक मंडळाने (बीसीसीआय) आयपीएलच्या 16 व्या हंगामाचे वेळापत्रक शुक्रवारी जाहीर केले.

त्यानुसार 31 मार्च ते 28 मे या दरम्यान आयपीएलचा हे सामने खेळले जाणार आहेत. आयपीएल 2023 मध्ये एकूण 74 सामने होणार आहेत. लीग राऊंडमध्ये 10 संघ प्रत्येकी 14-14 सामने खेळणार आहे.

याप्रमाणे 10 संघामध्ये 70 सामने होणार आहेत. त्यानंतर प्लेऑफचे चार सामने होणार आहेत. 28 मे रोजी फायनलचा थरार रंगणार आहे. गतविजेते गुजरात आणि चेन्नई यांच्यात पहिला सामना होणार आहे.

आयपीएलचे सामने भारतातील 12 मैदानांवर खेळवले जाणार आहेत. यामध्ये अहमदाबाद, मोहाली, लखनौ, हैदराबाद, बंगळुरू, चेन्नई, दिल्ली, कोलकाता, जयपूर, मुंबई, गुवाहाटी आणि धर्मशाला यांचा समावेश आहे.

10 संघांना दोन ग्रुपमध्ये विभागण्यात आले आहे. ग्रुप ए मध्ये मुंबई इंडियन्स, राजस्थान रॉयल्स, केकेआर, दिल्ली कॅपिटल्स, लखनौ सुपर जायंट्स, तर ग्रुप बी मध्ये चेन्नई सुपर किंग्ज, पंजाब किंग्ज, सनरायझर्स हैदराबाद, आरसीबी आणि गुजरात टायटन्स हे संघ आहेत.

70 सामन्यांचे वेळापत्रक