पोलिसांसोबत दिवाळी साजरी
डोंबिवली : कोणताही सण असो वा उत्सव पोलीस कायमच बंदोबस्तात व्यस्त असतात. आपल्या कुटूंबाबरोबरही त्यांना सण उत्सव साजरे करण्याची संधी मिळत नाही. अशावेळी त्यांच्याबरोबर दिवाळीचा आनंद लुटता यावा या हेतूने जनहित प्रतिष्ठान आणि ओमकार कर्णबधीर संस्था यांच्यावतीने विष्णुनगर पेालीस ठाण्यात दिवाळी साजरी करण्यात आली. जनहित प्रतिष्ठानचे अध्यक्ष महेश काळे यांच्या नेतृत्वाखाली संस्थेचे पदाधिकारी कार्यकर्ते आणि कर्णबधीर मुलांसमवेत पोलिसांनीही दिवाळीचा आनंद लुटला. विष्णुनगर पोलीस ठाण्यात वरिष्ठ पोलीस निरीक्षक राजेंद्र मुणगेकर यांच्या हस्ते दीपप्रज्वलन करण्यात आलं. यावेळी फराळाचे वाटप करून लहानग्यांनीही पोलिसांना दिवाळीच्या शुभेच्छा दिल्या.
