मध्य आणि हार्बर मार्गावर आज मेगाब्लॉक
मुंबई : मध्य आणि हार्बर रेल्वे मार्गावर आज मेगाब्लॉक घेण्यात येणार आहे. मध्य रेल्वे मार्गावर कल्याण-ठाणे अप धिम्या मार्गावर सकाळी ११.२० ते दुपारी ४.२० दरम्यान, तर हार्बर मार्गावरील कुर्ला-वाशी स्थानकादरम्यान सकाळी ११.१० ते दुपारी ४. १० पर्यंत मेगाब्लॉक असणार आहे. तसेच हार्बर मार्गावरील मेगाब्लॉक काळात सीएसएमटी-कुर्ला आणि वाशी-पनवेल दरम्यान विशेष लोकल चालविण्यात येतील.
कल्याण ते ठाणे धिम्या मार्गावर मेगाब्लॉक घेण्यात येणार असल्याने, रविवारी सकाळी १०.४८ ते दुपारी ४.१४ वाजेपर्यंत कल्याणहून सुटणाऱ्या सर्व धिम्या, अर्धजलद लोकल फेऱ्या, कल्याण ते मुलुंडदरम्यान जलद मार्गावरून चालविण्यात येणार आहेत. या काळात ठाकुर्ली, कोपर, मुंब्रा, कळवा स्थानकांवरील प्रवाशांना ठाणे, डोंबिवली आणि कल्याण स्थानकावरून प्रवास करण्याची मुभा देण्यात आलीय. तसेच, सकाळी १०.०५ ते दुपारी २.५४ दरम्यान सीएसएमटीहून सुटणाऱ्या सर्व डाउन जलद मार्गावरील लोकल घाटकोपर, विक्रोळी, भांडुप, मुलुंड आणि दिवा स्थानकांवर थांबतील.
हार्बर मार्गावर मेगाब्लॉक
हार्बर रेल्वे मार्गावरील कुर्ला-वाशी स्थानकादरम्यान सकाळी १०.१० ते दुपारी ४.१० पर्यंत मेगाब्लॉक घेण्यात येणार आहे. त्यामुळे सकाळी १०.३४ ते दुपारी ३.३९ वाजेपर्यंत छत्रपती शिवाजी महाराज टर्मिनसहून वाशी/बेलापूर/पनवेलला जाणाऱ्या लोकल आणि सकाळी १०.२१ ते दुपारी ३.४१ पर्यंत पनवेल/बेलापूर/वाशीहून सीएसएमटीला जाणाऱ्या लोकल बंद असणार आहेत.
हार्बर रेल्वे मार्गावरील कुर्ला-वाशी स्थानकादरम्यान सकाळी १०.१० ते दुपारी ४.१० पर्यंत मेगाब्लॉक घेण्यात येणार आहे. त्यामुळे सकाळी १०.३४ ते दुपारी ३.३९ वाजेपर्यंत छत्रपती शिवाजी महाराज टर्मिनसहून वाशी/बेलापूर/पनवेलला जाणाऱ्या लोकल आणि सकाळी १०.२१ ते दुपारी ३.४१ पर्यंत पनवेल/बेलापूर/वाशीहून सीएसएमटीला जाणाऱ्या लोकल बंद असणार आहेत.