उल्हासनगर : ता:१०:(प्रतिनिधि);-
विधानसभा निवडणुका जसजशा जवळ येत आहेत, तसतशी निवडणुकीची रण धुमाळी समोर येत आहे. शुक्रवारी उल्हासनगरमध्ये भाजपचे आमदार कुमार आयलानी यांच्या पत्नी मीना आयलानी यांनी टाऊन हॉलमध्ये पतीच्या प्रचारादरम्यान महायुतीने आयोजित केलेल्या कार्यक्रमात भाषण केले आणि पप्पू कलानीने 34 वर्षांपूर्वी माझ्या दोन्ही भावांची हत्या केली होती, त्यामुळे कलानीला जिंकू देऊ नका, माझ्यासारख्या बहिणीने तिचा भाऊ गमावावा अशी माझी इच्छा नाही, या वेळी भावाच्या आठवणीने मीना आयलानी भावूक झाल्या होत्या.
आपल्या भाषणादरम्यान मीना आयलानी यांनी 1990 मध्ये पप्पू कलानीने मीना आयलानी चे भाऊ घनश्याम भटिजा आणि इंदर भटिजा यांची कशी निर्घृण हत्या केली होती याबद्दल भावनिकपणे बोलले. मीना आयलानी पुढे म्हणाल्या की, त्यांच्या भावांच्या हत्येनंतर भाजपच्या लोकांनी त्यांचे पती कुमार आयलानी यांना विधानसभा निवडणूक लढवण्याची विनंती केली आणि त्यांनी निवडणूक लढवण्यास तयार केले तेव्हा कलानी आणि त्यांच्या पत्नीने कुमार आयलानी यांना राजकारणात येण्यास सक्त मनाई केली. मीना यांनी असेही सांगितले की त्यांनी भाजपचे दिवंगत नेते गोपीनाथ मुंडे यांच्यावरही आक्षेप घेतला आणि भाजप त्यांच्या पतीला एका गुन्हेगाराविरुद्ध निवडणुकीत का उतरवत आहे असा सवाल केला.
मीना आयलानी यांनी असेही सांगितले की, त्या काळात त्यांना गुन्हेगारीमुळे शहर सोडावेसे वाटले, पण त्यांच्या पतीने निवडणूक लढवली, त्यात त्यांचा पहिल्यांदा पराभव झाला असला तरी त्यांना लोकांचे खूप प्रेम मिळाले आणि त्या पुढे जात राहिल्या. शहरच्या महिलांनी कुमार आयलानी यांना पुन्हा एकदा विजयी करून कलानीचा पराभव करावा, जेणेकरून भविष्यात तिच्यासारखा त्रास इतर बहिणीला सहन करावा लागणार नाही, असे आवाहन मीना यांनी उपस्थितांना केले.
उल्हासनगर विधानसभा मतदारसंघातील राष्ट्रवादीचे (शरद पवार) उमेदवार ओमी कलानी यांचे वडील पप्पू कलानी हे उल्हासनगरमधून चार वेळा आमदार राहिले आहेत आणि त्यांचा गुन्हेगारी ऐतिहास आहे. मीना आयलानी यांनी नमूद केलेल्या दोन हत्यांपैकी एका प्रकरणात कलानीने यापूर्वीच शिक्षा भोगली आहे. आता निवडणूक रिंगणात पप्पू कलानीचा मुलगा ओमी कलानी समोर कुमार आयलानी आहे, मीना आयलानी यांनी पुन्हा एकदा जुन्या जखमा ताज्या करण्याचा आणि पप्पू कलानीच्या काळात शहरात झालेल्या गुन्ह्यांची आठवण करून देण्याचा प्रयत्न केला आहे.
——-