कल्याण, ता. १८ :(प्रतिनिधी):–
आगामी विधानसभा निवडणुकीच्या पार्श्वभूमीवर महाविकास आघाडी आणि शिवसेना (उद्धव बाळासाहेब ठाकरे) पक्षाचे अधिकृत उमेदवार सचिन बासरे यांच्या प्रचारार्थ आयोजित मशाल रॅलीला उत्स्फूर्त प्रतिसाद मिळाला. ऐतिहासिक दुर्गाडी किल्ल्यापासून कल्याण रेल्वे स्थानकापर्यंत काढलेल्या या रॅलीमध्ये हजारोंच्या संख्येने तरुण, महिला, आणि ज्येष्ठ नागरिक सहभागी झाले होते.
रॅलीदरम्यान “बासरे साहब आप आगे बढो, हम तुम्हारे साथ है” आणि “शिवसेना उद्धव बाळासाहेब ठाकरे पक्षाचा विजय असो” अशा घोषणांनी परिसर दुमदुमून गेला. या रॅलीने केवळ कल्याणच नव्हे, तर संपूर्ण परिसरात एक वेगळीच ऊर्जा निर्माण केली आहे.
सचिन बासरे यांनी आपल्या भाषणातून समर्थकांचे आभार मानले आणि जनतेसाठी दिलेली वचने पूर्ण करण्याचा निर्धार व्यक्त केला. “तुमचा विश्वास आणि साथ माझ्यासाठी प्रचंड ऊर्जा देणारी आहे. कल्याणच्या विकासासाठी मी सतत झटत राहीन,” असे त्यांनी सांगितले.
रॅलीचा प्रवास सुरळीतपणे पार पडला, जिथे प्रत्येक वयोगटातील नागरिकांनी मोठ्या संख्येने सहभाग नोंदवला. ही रॅली केवळ प्रचाराचे माध्यम नव्हे, तर जनतेच्या एकजुटीचे प्रतीक ठरली आहे.
सचिन बासरे यांच्या नेतृत्वाखालील शिवसेनेचा हा जोश पाहता आगामी निवडणुकीत त्यांना प्रचंड पाठिंबा मिळेल, असा विश्वास त्यांच्या समर्थकांनी व्यक्त केला आहे.
——-